Kutxako Berde-berdea proiektuaren barnean, Hizkuntza Ekologia izeneko interneterako multimedia material hezigarria argitaratu da. Lan hori www.berde-berdea.net orrialdean dago ikusgai, hiru hizkuntzatan: euskaraz, gaztelaniaz eta ingelesez.
Hau du helburu nagusi: Munduko hizkuntzen aberastasuna azaldu, hizkuntza gutxituen inguruan, euskara barne, hausnartzea eta hizkuntzen arteko elkarbizitza bultzatu.

Ikasmaterial berria, DBH eta batxilergoko ikasleei zuzendua. Animazioak ikusi eta jarduerak eginez, Aiako Harria, Pagoeta, Aralar eta Aizkorri-Aratz Parke Naturalak ezagutaraztea du helburu. Ingelesez ere ikusgai.

Energiaren inguruko ikasmateriala. Energiaren historia, gaur egun dauden arazoak eta etorkizuneko aukerak ezagutaraziko dira bertan, hiru flash animazioren bitartez. Ingelesez ere ikusgai.

Berotegi-efektua ezinbestekoa da Lurrean bizitza bermatzeko. Egun zientzialari eta politikarien kezka-iturri da. Zergaitik ote? Pelikula honetan aurki dezakezu erantzuna.

Turismo jendetsuak ingurune naturalak kaltetzen ditu. Ezagutu eraginak eta, oporretan ere, ingurumena zaintzeko proposamenei erreparatu pelikula ikusiaz.

Ura baliabide naturala da, berriztagarria, baina mugatua eta gaizki banatua. Ezagutu baieztapen honen arrazoia 10 minutuko pelikula honetan.

Zein dira atmosfera osatzen duten geruzak? Hauetako zeinetan eragiten dute giza jarduerek? Bilatu erantzunak pelikula honetan.

Zer da Bioaniztasuna?, Zergatik da hain garrantzitsua? Zeintzu dira espezieak iraungitzeko arrazoi nagusienak? Aurkitu erantzuna 10 minutuko pelikula honetan.