Kutxako Berde-berdea proiektuaren barnean, Hizkuntza Ekologia izeneko interneterako multimedia material hezigarria argitaratu da. Lan hori www.berde-berdea.net orrialdean dago ikusgai, hiru hizkuntzatan: euskaraz, gaztelaniaz eta ingelesez.
Hau du helburu nagusi: Munduko hizkuntzen aberastasuna azaldu, hizkuntza gutxituen inguruan, euskara barne, hausnartzea eta hizkuntzen arteko elkarbizitza bultzatu.

Energiaren inguruko ikasmateriala. Energiaren historia, gaur egun dauden arazoak eta etorkizuneko aukerak ezagutaraziko dira bertan, hiru flash animazioren bitartez. Ingelesez ere ikusgai.

Zer da berde-berdea? Naturgaiak, Kutxako Gizarte Ekintzaren babespean, bideraturiko ekimena da. Gipuzkoako gaztetxoei zuzendua dago, eta honako helburu hauek ditu: ingurumena ezagutaraztea, harekiko errespetua sustatzea eta gaztetxoak haren aldeko ekintzaile bihurtzea.

CD honetan ingurumenarekin zerikusia duten 5 gai lantzen dira: Bioaniztasuna, Atmosferaren kutsadura, Ura, Oporraldi ekologikoagoak eta Klima aldaketa. Bertan, gai hauen inguruko material didaktiko ugari aurkezten dira: pelikulak, galderak, idatzizko materiala, argazki sortak, bideoak, jokoak, infografiak…